- هزه فى العربية قبل 100 كم/س - ترصيص أمامى .
- هره فى العربية بعد سرعة 100:120 كم/س - ترصيص خلفي .
- هزه مع دوسة الفرامل - طنابير .
- لما تسمع صوت عالى من تحت العربية و ضعف فى السحب - يبقى كسر فى الشكمان .
- تخبيط و ترزيع من فوق و من الخلف - جلب مقصات أو بيض .
- عومان العربية من فوق و من الخلف - جلب مقصات أو مساعدين خلفية .
- رجة مع الطلعة " المانيوال " - طقم دبرياج أو ( ديسك - أسطوانة ) .
- خبطة مع الغيار " الاتوماتيك " أو تزنيدة - قواعد المكنة .
- رعشة مستمرة على السلانسيه و تحس المرايه بتتهز - قواعد المكنة .
- الطارة مبتردش لوضعها الطبيعى بعد الملفات - الصليبه عايزه تتغير .
- طرقعه مع لف الطارة و العربية واقفه - اسكترا .
- طرقعه أو طقطقة مع الكلافات - كبالن .
- طرقعه فى الغيارات للفتيس مع هزه - كبالن داخلية .
- تزييق مع لف الطارة فى الملفات و تقل فيها - بطاحات .
- استهلاك بنزين عالى - " حساس الشكمان موبينة سلوك البوجيهات - البوجيهات - رشاشات " .
- سخونية فى العجل و الجنط عليه هباب أسود - تيل الفرامل قافش .
- صوت عالى من بطن العربية تحت الماتور أو من الخلف مع السحب ضعيف - تنفيس أو كسر الشكمان .
- صوت عالى من حوض العربية من الأسفل مع سحب ضعيف - كسر زور الشكمان أو تنفيس .
- صوت كأنة زلطة فى علبة صاج - تفحم علبة البينة .
- لما تلاقى الفتيس تقيل فى الحركة و بيزيق - تبقى عايزة تغير زيت فتيس .
- لما تحس انها مفككة من تحت - تبقى عايزة تربيط عفشه .
- لما تلاقى غطاء الماتور عليه طحينة - تبقى عايزه تغير جوان وش السلندر .
- لما تلاقى العربية مكتومة و سحب ضعيف - تبقى عايزة تنظيف الكربراتير أو كابلات الانجيكشن .
- لما تلاقى كهرباء العربية بتفصل و ترجع تانى - عايزة تغير أوطيش البطارية ( القطبين ) .
- لما تلاقى دواسة الفرامل محجرة - تبقى عايزة سيرفو ( الماتور المتحكم بدقة فى اتجاه دوران عامود الماتور و وضعه مع علبة التروس .
- لما تلاقى فى مياه الرادياتير ريم زيت بنى - تبقى جابت جوان وش سلندر .
- لما العربية تسخن أوى و تبطئ - يبقي الرادياتير فاضي .
- لما تسحب ببطئ مع تنتيش - تبقى عايزة بوجيهات .
- لما العربية تحدف فى اى اتجاه - يبقى عايزه تضبيط زوايا .
- لما تبطل منك و انت ماشي بعد ما تنتش كتير - تبقى عايزة فلتر بنزين .
ليست هناك تعليقات:
إرسال تعليق